ScotNepal: मलेसिया पुगेका पूर्व जनमुक्ति सेनाले प्रधानमन्त्रीलाई लेखेको खुल्लापत्र भाइरल बन्दै
Loading...
मलेसिया पुगेका पूर्व जनमुक्ति सेनाले प्रधानमन्त्रीलाई लेखेको खुल्लापत्र भाइरल बन्दै

पुर्व प्रधानमन्त्री केपी ओलीकै १८ करोड उपचार खर्च : नेपाली नेताहरुको विदेश उपचार !!


प्रधानमन्त्रीज्यू, नमस्कार तथा अभिवादन !

म यति बेला मलेसियामा छु । त्यसैले तपाईँलाई पत्र लेख्दै छु । जनवादी राज्य सत्ताको लागि लड्ने योद्धाहरुलाई प्रहरी लगाएर पक्राउ गराउनु भयो भन्ने खबरले धेरै नै दुःख लागेको छ ।

प्रधानमन्त्रीज्यु, वर्गीय मुक्तिको लागि तपाईँकै निर्देशनमा हामीले कापी–कलम र घर परिवार छाडेर सानै उमेरमा जनयुद्धमा लाग्यौँ । लड्दा–लड्दै धेरै साथीहरु शहिद भए, घाइते भयौं । तरपनि हामी लड्दै थियो । तपाईले शान्तिपूर्ण रुपमा सत्ता स्थापना गर्ने भन्दै ब्यारेकमा बस्न भन्नुभयो । हामी बस्यौँ । सँगै लडेका योद्धाहरुलाई अयोग्य घोषणा गर्दै आफू योग्य हुनुभयो ।

हामीले लडेर ल्याएको गणतन्त्रमा त्यो ‘अयोग्य’ शब्दले ठूलो चोट परेको छ । त्यही ‘अयोग्य’ शब्दले जनयुद्धमा जुनसुकै लडाइँमा योग्य भएकाहरुलाई घर न घाट को स्थितिमा पुर्यायो । तपाईँहरु योग्य र लड्ने सेना कसरी अयोग्य ? हामीले कुन लडाइँ लड्न सकेनौँ ? त्यसको जवाफ दिनु भएन । तर, जवाफ माग्ने साथीहरुलाई प्रहरी लगाएर पक्राउ गराउनु भएको दृश्य देखियो । तपाईँलाई अभिभावक सम्झेर आफ्ना कुरा राख्नु के अपराध हो ? साथीहरुले उठाएको प्रश्नको उत्तर तपाईँ आफै पेरिसडाँडा पुगेर दिनु पर्थो तर तपाईँले प्रहरी परिचालन गरेर सारा दुनियाँ हसाउनु भयो ।

प्रधानमन्त्रीज्यू, साना–साना नानीहरुलाई रुँदै प्रहरीले भ्यानमा कोचेको दृश्यले तपाईको मन पनि दुख्नु पर्ने हो तर ‘तपाईँले उनीहरुको प्रश्नको जवाफ दिनु भएन भने ति नानीहरुले पनि भुल्ने छैनन् । पक्राउ पर्नेमा धेरै जनयुद्धमा घाइते भएका साथीहरु पनि छन् । बरु तपाईँले त औषधि उपचारको व्यस्था पो गर्नुपर्ने । कालोबजारी, भष्ट्राचारी, बलात्कारीलाई जसरी प्रहरीले प्रहरी भ्यानभित्र जनयुद्धका योद्धाहरुलाई कोच्यो ।

प्रधानमन्त्रीज्यू, सक्नुहुन्छ भने ती साथीहरुलाई प्रहरी लगाएर गिरफ्तार होइन देशमा सुतेको विकासलाई अगाडि बढाउन ती साथीहरुलाई परिचालन गर्नुस् । कालोबजारी, भष्ट्राचार, मानव तस्करी, सीमा नियन्त्रणमा युवा शक्तिलाई उपयोग गर्नुस् । उनीहरुले सीप र क्षमतालाई उपयोग गर्ने वातावरण बनाउनुस् । त्यो वातावरण नबनाएर गिरफ्तार गराउनतिर लाग्नुभयो भने यो समस्या झन्–झन् ठूलो बन्ने छ । उनीहरुले ‘अब योग्य छैनौं, फेरि युद्ध लड्नु नपरोस्’ जस्ता नाराहरुको संकेतलाई तपाईँले ख्याल गर्नुस् ।

प्रधानमन्त्रीज्यू, सक्नुहुन्छ भने ती प्रहरीलाई सीमाबाट हराएका पिलर खोज्न पठाउनुस् । चेलीलाई विदेशका गल्लीमा बेच्नेलाई ती प्रहरी परिचालन गर्नुस् । खेतबारी साहुँको जिम्मा लगाएर विदेश आएका हामीलाई नेपाल फर्कने वातावरण बनाउनुस् ।

प्रधानमन्त्रीज्यु, मृत्युलाई स्वीकार गर्न तपाईँले नै सिकाउनु भएको हो । हाम्रो लागि गुमाउनु पर्ने केही बाँकी छैन । त्यही दुःख पाइरहेको जिन्दगी मात्र हो । तर, तपाईँले धेरै गुमाउन बाँकी छ । ख्याल गर्नुहोला । ‘अयोग्य’ शब्द नहटाएसम्म योद्धाहरु यस्ता गिरफ्तारी त हजारौं पटक दिने छन् । अन्तमा पक्राउ गरिएका सम्पूर्ण साथीहरुलाई तुरुन्त रिहाईको माग गर्दै पत्रबाट विदा हुन्छ ।

टिकाराम ओली पूर्व जनमुक्ति सेना, हाल मलेसिया

(लेखक अनुमतीमा प्रकाशित)
आर्थिकन्युज बाट साभार : 


Loading...
Recent Updates

Show Comments: OR

नेपाली भित्र रहेका रोचक भिडियो हरु !! एक चोटी हेरे पछी जाम जाम लाग्ने छ !!

About Us

Online News & Entertainment Nepali Online Portal : Nepal News, News from Nepal, Articles, Videos, Jokes Bizarre world, Life Style, Sports, Development, Video, Features, Business reviews and Many more ...










Search This Site

Our Team

Correspondent
Subish Adhikari (Kathmandu), Rabilal Paudel (Gulmi)

Country Representative
Ganesh Karki (Norway)
Tika Adhikari (UK) ,
Sunil Shrestha (Israel)

Media Editor
Tika Aadhikari


Founder
Tika Adhikari (UK)
44-7828905018

Total Pageviews

Contact Us - सम्पर्क


स्कटनेपाल मिडिया हाउस प्रा. लि. द्धारा सन्चालित
(ScotNepal Media House Pvt. Ltd.)
scotnepal.com
Maitidevi-33, Kathmandu, Nepal
Call: 9857025142
News Desk
Email: admin@scotnepal.com

Marketing
Email: admin@scotnepal.com

Google+ Followers