ScotNepal: मृत्यु कुरिरहेकी जुम्लाकी सन्ध्यालाई भेट्दा रोए गगन थापा, भेटमा के भने ?
Loading...
मृत्यु कुरिरहेकी जुम्लाकी सन्ध्यालाई भेट्दा रोए गगन थापा, भेटमा के भने ?

काठमाडौं, ११ असोज । भक्तपुर क्यान्सर अस्पतालबाट मृत्युको पुर्जा पाएकी जुम्लाकी सन्ध्या शाहले पत्रमार्फत स्वास्थमन्त्री गगन थापासँग भेट इच्छा जाहेर गरेपछि मन्त्री थापाले उनलाई भेटेका छन् । मृत्यु कुरेर बसेकी जुम्लाकी सन्ध्या शाहले मृत्यु पूर्व आफ्नो अन्तिम इच्छा नै स्वास्थमन्त्रीसँग भेट गर्ने भनेर शुक्रबार पत्र लेखेकी थिइन् । त्यसपछि मन्त्री थापाले सोमबार साँझ जुम्लाका एक स्थानियलाई साथमा लिएर सन्ध्याकै डेरामा पुगेर भेटेका हुन् । भेटमा सन्ध्याले आफ्नो परिवारिक आवस्था र आफ्नो उपचार गराउँदा परिवारको आर्थिक आवस्था नै एकदम नाजुक भइसकेको बताइन् ।

उपचारका क्रममा आफूले भोगेका पीडाहरु पनि सन्ध्याले मन्त्री थापालाई सुनाइन् । सन्ध्याले अस्पतालमा डाक्टर र उपचारमा संलग्नहरुले गर्ने व्यवहार बारेमा मन्त्रीलाई सुनाउने क्रममा अस्पतालमा उपचार मात्र हैन विरामीहरुलाई गर्ने व्यवहार तथा तिनका आफन्तहरुलाई गर्ने व्यवहारबारे धेरै कुरा सिकाउनु पर्ने र त्यसो नहुँदा आफू जस्ता हजारौं विरामी र तिनका आफन्तहरुले भोग्नु परेको नराम्रो पीडा पनि भनिन् । सन्ध्याले अघिल्लो सरकारमा खगराज अभिकारी स्वास्थमन्त्री हुँदा आफूले उपचारमा सहयोग गर्न आग्रह गर्दै निवेदन दिएको मन्त्रीले सहयोग गर्नेपनि भने तर आफूले सहयोग पाउन नसकेको दुखेसो गरिन् । सन्ध्याको दुखेसो सुनेपछि भावुक भएका मन्त्री थापाले आम नेपालीले स्वास्थ उपचारमा समान पहुँच राख्न सकुन् भनेर नीतिगत रुपमा काम गरिरहेको बताए ।

अघिल्लो सरकारको पालामा सन्ध्याको उपचारको फाइल मन्त्रालयमा पुगिसकेको आफुले आफ्नो सचिवालयबाट पनि जानकारी पाएकोले त्यो फाइललाई खोजेर अघि बढाउने र के कस्तो सुविधा उपलब्ध गराउन सकिन्छ त्यसबारे सचिवालयलाई निर्देशन दिने बताए । मन्त्री थापाले सन्ध्याले उठाएका उनका पीडाका विषयका अतिरिक्त कतिपय आचरणगत रुपमा सुधार्नुपर्ने विषयहरु रहेको बताए । यी सबै विषयलाई आफूले मन्त्री भएको समयभित्र टुङ्ग्याउने पहल गरिरहेको र सन्ध्याले उठाएका विकृति र विसंगति कम गर्न आफू लागिपर्ने बताए । आफूलाई लेखेको पत्र पढेर तथा त्यसबारेमा बुझेर भेटेरै कुरा गर्न आएको भन्दै मन्त्री थापाले प्रतिकुल स्वास्थ आवस्थाका बीच स्वास्थ क्षेत्रको बारेमा राम्रोका लागि उनले गरेको प्रयास र पहलका लागि धन्यवाद दिँदै सन्ध्याले राखेको धैर्यताको पनि प्रशंसा गरे । - साभार अर्घाखाँची साप्ताहिकबाट


Loading...
Recent Updates

Show Comments: OR

नेपाली भित्र रहेका रोचक भिडियो हरु !! एक चोटी हेरे पछी जाम जाम लाग्ने छ !!

About Us

Online News & Entertainment Nepali Online Portal : Nepal News, News from Nepal, Articles, Videos, Jokes Bizarre world, Life Style, Sports, Development, Video, Features, Business reviews and Many more ...










Search This Site

Our Team

Correspondent
Subish Adhikari (Kathmandu), Rabilal Paudel (Gulmi)

Country Representative
Ganesh Karki (Norway)
Tika Adhikari (UK) ,
Sunil Shrestha (Israel)

Media Editor
Tika Aadhikari


Founder
Tika Adhikari (UK)
44-7828905018

Total Pageviews

Contact Us - सम्पर्क


स्कटनेपाल मिडिया हाउस प्रा. लि. द्धारा सन्चालित
(ScotNepal Media House Pvt. Ltd.)
scotnepal.com
Maitidevi-33, Kathmandu, Nepal
Call: 9857025142
News Desk
Email: admin@scotnepal.com

Marketing
Email: admin@scotnepal.com

Google+ Followers